Kelakar Betok: Perayaan 17 Agustus

Setiap taon pasti ado namo nyo lomba 17 an, cerito ini di angkat dari kelakar sungi ogan !!

biaso nyo perayaan 17 an di rayoke dengen bemacen lomba, dari lomba panjat pinang, lomba karong, lomba makan keropok, banyak lah singgoh nyo

tapi lomba di sungi ogan beda dari lomba biaso nyo, dimano lomba itu nyebrangi sungi ogan yang tekenal dengan buayo ganas nyo !!

acara ini di selenggarake oleh wong beduet yang tinggal di sano, yang mano pemenang nyo bakal dapet duet 20 juta. ( Wow...pacak ladas meli pempek ), sekironyo pembawa acara nyapa masyarakat, masyarakat pun mulai bingung , nak melok apo idak lomba nyebrang sungi ogan ini, ado masyarakat yang bepeker duo kali, " ai nandak aku mati , buayo kito ni ganas galo mangcik bicik, ado pulo yang ngomong percuma be kito punyo ilmu berenang men dak telawan samo buayo !!  keno cokotnyo .... abes idup kito

15 menitlah liwat, pembawa acara dapet kabar, amen hadiah nyo di tambah 20 juta, total hadiah sampe 40 juta !! masyarakat pun maken panas nenger hadiah nyo !!

pembawa acara : cak mano mangcik bicik, ado yang brani samo tantangan nyebrang sungi kito !!

masyarakat : Hening, sunyi, besek-besek an samo yang laen ZzzzZz

tetibo, dari pocok jerambah tedenger ado wong melumpat ke sungi !! ByuRrRrrRRr !! masyarakat pun samo panitia begancang marak ke pengger sungi, pas di pasati yang melumpat itu jali

jali iolah bujang yang be badan besak, item, berambot panjang !! (pecak siapolah ye..)
masyarakat pun ladas nyingok jali berenang sekuat mongken, ado yang beteriak " Jali kau pasti Menang " "Hoi jali men hadiah nyo bage ke aku yo " "nah itu namo nyo jali yang ku kenal " !!

sekiter 20 meter nak sampe ke tepi sunggi , tibo-tibo buayo besak nontot i jali dari belakang, bukan kepalang masyarakat maken beteriak " Jali ado buayo belakang kau " Jali kebot ke lah gaya berenang kau tu". "jgn peduli ke buayo nyo jali"

jali pun makin gilo berenang, mongken dio be peker mati , atau be peker 40 juta di jero sungi . 

sangken ke ngebot nyo berenang, akher nyo jali nyampe jgo di tepi sungi.. masyarakat pun nolongi jali ontok naek ke pocok , 

masyarakat : mati,, hebat kau berenang jali 
masyarakat : itu dio hadiah nyo gancang lah kau naek pocok panggong jali
panitia : selamat dolor jali , awak jadi pemenang lomba nyebrang sungi kito

jali : maseh ngos-ngosan,
tetibo dio belari langsong ke pocok panggong, di ambek nyo mikropon, sambel ngomong " Aku dak penteng hadiah nyo .....
masyarakat : men dak galak hadiah nyo njok ke kami be jali
Jali : bukan cak itu, aku ni cuma nak betanyo, siapo yang nyulak ke aku dari pocok jerambah tadi

masyarakat & panitia : ahahahahahahahahahahahahahahaha, keno julak ke kau e jali